داتا شاملة ومجمعة هندسة القوى الميكانيكية

نقدم لكم (20) نصيحة ضرورية لكل طالب وطالبة خلال طريقهم لطلب العلم وكل نصيحة مهمة بشكل كبير جداً وقد تغير من مجري حياتك مستقبلاً. حاول استغلال هذة النصائح للخروج بأكبر فائدة خلال العام الدراسي، وأعلم أنك خلال هذة الفترة تبني وتتشكل شخصيتك فأحرص علي إغتنامها بذكاء

١ ) احـتـفـظ بكشكول المحاضرات مـعـك

أثناء تواجدك في المحاضرات احتفظ معك دائماً بكشكول المحاضرات سجل فيه المحاضرة والمعلومات المهمة والنقاط الرئيسية. احتفظ بيه وراجع على المحاضرات خلال فترات متباعدة، لأنها هتختصر وقتك أيام الامتحانات

 

۲ ) حسـن عـلاقـاتـك مـع الـدكـاتـرة

يمكنك كسب ثقة أساتذتك عن طريق تركيزك بالمحاضرات ومحاولة إجابتك على جميع الأسئلة اللي بيسألوها أو تطلب منهم شرح جزئية من المحاضرة صعبة عليك، لأن الدكاترة بيقدروا الطالب المتفاعل معاهم واللي عايز يبين أنه مهتم لـلمـادة العلمية

 

3 ) أســــأل كــــتـــيــــر

أسأل دائماً عشان تفهم وتعرف كل حاجة، فأي معلومة بتعدي عليك هتفيدك بطريقة مباشرة أو غير مباشرة عن طريق إنها هتفتح مداركك وعقلك لشئ أخر تستفيد منه في المستقبل بطريقة أو بأخرى

 

4 ) حـاول كـــتــــيـــر مع نفسك

قبل ما تروح تسأل أساتذتك، حاول أنك تدور على الاجابة عن طريق تشغيل دماغك أو سؤال زملائك المجتهدين أو البحث في المراجع و لو موصلتش تقدر تسأل الدكتور و خلي معاك الحل بتاعك وناقشه فيه وافهم منه اللي وقف معاك

 

5 ) كـون مـجـمـوعـة دراسـيـة

المجموعة الدراسية ممكن تكون جروب على الفيسبوك أو الواتس آب أو يوم تتجمعوا في الكلية تسألوا بعض وتشرحوا لبعض وتشجعوا بعض على المذاكرة وغالباً هتحتاجوا تتجمعوا قبل موعد الإمتحانات بحيث تراجعوا وتكملوا أي جزئية واقعة منكم

 

6 ) اشــــــرح لغــــيـــرك

من أكثر الطرق الفعالة في تثبيت المعلومة هي أنك تشرحها لغيرك في نفس الوقت بتفيد زملائك بـالـمـعـلـومـات الـلـي مـعـاك وأكيد هتلاقي عندهم حاجات تفيدك أو طرق مختلفة تقدر تستفيد منها

 

۷ ) نوع فـي مجـالات دراسـتـك

أثناء فترة الجامعة شوف أنت بتحب ايه وادرسه لو بتحب البرمجة أو التصميم أو اللغات تقدر تقرأ كتب أو تاخد كورسات في المجال دا، فممكن تبدع فيه أكثر مع مجال دراستك وفي نفس الوقت بيوسع الأفق بتاعك وبينمي مهاراتك المختلفة وبيمثلدك ذكاء

 

۸ ) الـــــدخـــــــــــــــل الإضــــــافـــــــــــــي

اياً كان مـجـال دراسـتـك فتعلمك لبعض المهارات خارج مجالك بتبقي مفيدة جداً مثل ريادة الأعـمـال السوشيال ميديا، التصوير، البرمجة ..الخ ، ليها فرص شغل كتير أونلاين وبتكون مصدر دخل اضـافـي لـيـك، بجانب شغلك أو دراستك فحاول تعرف عنهم أكثر

 

۹ ) الــــمـهـــــارات الشــــخـــــصـــيـــــــــــة

أمثلة على المهارات اللي لازم تكون عندك هي مهارات التواصل مع الأخرين وتقديم عروض أمام الجمهور ومناقشتهم والقيـادة وغيرهم كتير دور على المهارات اللي ممكن تحتاجها وابدأ اتعلمها وطبقها خلال فترة الجامعة لأن وقتك هيكون ضيق ومشغول لما تتخرج فلازم تهتم بيهم من دلوقتى

 

١٠ ) الــــــــــــلـــــــــــــــغــــــــــــــــــــات

بجانب لغتك الأم لازم يكون معاك لغة ثانية وتتقنها كويس جداً ولو اتعلمت لغة ثالثة هتكون إضافة قوية ليك لما تقدم علي شغل أو تسافر دول أوروبية

 

۱۱ ) الســــــــيــــرة الــذاتـــــيــــــــــــــة

احرص على أنك تعمل C.V من وأنت في أول سنة فى الكلية خلى هدفك هو أنك تزوده بـالـمـهـارات والتطوعات والمشاركة فى المسابقات والندوات والمشاريع وغيرهم اللي بتعملها و خليك دائماً عامل تحديث لأهـم انـجـازاتك

 

١٢)  الــــــتـــدريـــــــــب الصـــــيــــــفـــــــــي

لما تتخرج وتقدم على شغل أحياناً هيكون مطلوب منك تكون عندك خبره والخبرة دي بتيجي من التدريبات الصيفية زي ما ذكرنا سابقاً فأياً كان مجالك تقدر تنزل تدريبات في الصيف تحصل منها على الخبرة ومن خلاله تقدر تحدد المجال اللي أنت حابب تشتغل فيه بعد ما تخلص الكلية

 

١٣) دائـــــــــــرة عــــــلاقــــــــــــــاتـــــــــــك 

دائـرة متقتصرش فقط على معارفك وأصدقائك، لازم تعرف ناس جديدة في مجالات مختلفة وتستفيد من خبراتهم وعلاقاتك بيهم و لو أنت تقدر تخدمـهــم بــردو متتــأخـرش حاول دائماً يكون عندك علاقات جديدة ومتجددة فى كل مكان تزورة أو حتى على مواقع التواصل الإجتماعي وأفضلهم LinkedIn

 

14 ) خـلـيــك دائــــمــاً عــــــلــى اطـــــلاع

المؤسسات والمنصات والمواقع المهمة اللي مهتمة بمجالك خليك متابعهم، لو أنت مثلاً مهندس في حاجة اسمها National Society of Professional Engineers لو كنت في كلية تجارة في حاجه اسمها National Society of Professional accountants ..الخ حسب كليتك و طبعاً المجلات والمواقع اللي تبع مجالك هتستفيد منهم كتير وبرضو الجروبات العربية على الفيس والتيلجرام

 

15 ) احـــــــــــذر مـن الـــتــــــكـــــبـــــر

‏لو أنت ناجح ومتفوق ولكن في مادة أنت مبتحبهاش أو مش عارف تمشي فيها متقولش ما أنا كويس في باقي المواد مش لازم دي، لا لو وصل الأمر أنك تبدأ من الصفر فيها أو في الحاجه دي عشان تبقي كويس فيها وتفهمها متتكبرش أنك تبدأ من الأول و تبذل مجهود فيها

‏

١٦ ) الـعــــمـــــــل الــــجـمـــــاعـــــــي

اتعلم أمتي تظهر وتبقي قائد وامتي تتنازل وتسيب غيرك هو اللي يقود وازاى تشتغل مع فريق و توزعوا الأدوار، و دي بتيجي من خلال تعلم مهارات القيادة والعمل في المجموعات

 

۱۷ ) الأنشـــــــطـــــة الطــــلابــــيـــــــــة

لو أنت مشترك في فريق، حاول تجهز لمناقشات الفريق قبل الاجتماعات، يعني لو في حاجه المفروض هتنقشوها في الاجتماع، أنت ممكن تحضر قبلها وتحاول تجيب أفكار جديدة، دا هيساعد جداً في تقدم الفريق وأنك تكون جاهز بالافكار عشان تناقشها

 

١٨ ) الــــــــــــــريــــــــــاضـــــــــــة

اهتم دائماً أنك تمارس الرياضة سواء بتروح الجيم أو بتلعب رياضة معينة و لو مش بتعمل حاجة من دول خلى عندك وقت تروح تتمشي أو تجرى فيه على الاقل (30) دقيقة يومياً، لأن دا هيساعدك على المذاكرة وهيحافظ على صحتك

۱۹ ) شـــــــجــــــــع نـــفــــــســـــــــك

حاول تشوف ايه الحجات اللي بتلهمك وتكون محدد هدفك دائماً ومتستناش حاجة تحفزك أو تحصل عشان تغير حياتك، أبدأ بنفسك وجرب حجات كتير لحد ما تلاقى الحاجة اللي بتحبها وبتحمسك، و ممكن الحجات دى تكون شخصية ناجحة مثل SteveJobs أو عالم عبقري مثل Einstein خليهم قدوه ليك ومُحفزين ليك دائماً

 

٢٠ ) الـمـــــــــــــثـــــــــابــــــــــــرة

خلي عندك دائماً صبر ومثابرة مهما تعرضت لفشل حاول تـقـوم مـنـه وتـكـمـل فـالـنـجـاح يـقـاس بـمـدي الصعوبات اللي اتغلبت عليها و كام مرة وقعت ونهضت من جديد تكمل طريقك

تعديل المقال